The Tinder Date
Image source: google

The Tinder Date

Int. Restaurant – Evening

FADE IN

Sanskruti- Aur kaise ho?

Dev- Main badhiya,tum batao.

Sanskruti- Ekdam firstclass. Aur tumhari girlfriend kaisi hai?

Dev- Kon girlfriend?I am single.

Sanskruti- Kya naam tha uska..umm..aa..ha,sweety.

Dev- Wo girlfriend nahi hai meri.

Sanskruti- Par hamesha tumhare sath hi dikhti thi.

Dev- Ham dono ke coaching ka time same tha to achi friendship ho gayi thi hamari.

Sanskruti- Tum D.P.S me the na?

Dev- haan

Sanskruti- Kitni ajeeb baat hai, ek hi shehar,ek hi mohalle me rehte hue bhi hamlog tinder pe mil rahe.

Dev- Waise tumne mujhe right swipe kyun kiya?

Sanskruti- Nahi karna chahiye tha na?

Dev- Nahi mai wo nahi keh raha,mai to waise hi puch raha hun.

Sanskruti- Kuch order kar lein?Fir aaram se baat karte hai.Tumhe late to nahi ho raha na?

Dev- Nahi.Mai to free hoon.

(Both order food.Continues..)

Sanskruti- Haan to tum kya puch rahe the?Maine tumhe tinder pe like kyun kiya?

Dev- han ji

Sanskruti- Are matlab mai tumhe school se janti hoon,tumhari sister mere hi school me padhti thi.Par tumse kabhi baat nahi ho payi thi meri.Toh mai bas milna chahti thi tumse. Isliye maine bas check karne ke liye right swipe kar diya ki dekho kya hota hai.Par tumne pehle se hi mujhe right swipe kiya hua tha toh match ho gaya.

Dev- To fir message kyun nahi kiya?

Sanskruti- Areeee,pehle ladkiyan message thode n karti hai.

Dev- han-han attitude n all.

Sanskruti- Nahi aisa nahi hai.Acha wo chhoro tumne kyu like kiya mujhe?

Dev- Maine kyun like kiya? Because I think I like you.

Sanskruti- Awwww,itni jaldi I like you.

Dev- Nahi to fir milne kyun aata?(gives look-raising eyebrow)

(waiter enters with food.serves.leaves.)

Sanskruti- (eating food)Tum kab se ho tinder pe?

Dev- 2-3 mahine se.Tum?

Sanskruti- 1-2 hafte hue honge.Abhi pichle mahine hi android phone liya,nahi toh kya pata pehle hi mil lete hamlog.

Dev- Koi ni ab to milte rahenge

Sanskruti- (smiles)Tum pehle tinder uninstall karo.

Dev- Abhi?

Sanskruti- Haan.

Dev- Tumne abhi tak mere I like you ka jawab nahi diya.

Sanskruti- Nahi karti toh milne kyun aati?

Dev- ooo,mera dialogue mujhe hi.

Sanskruti- Aur kya?

Dev- to fir ek baar bol bhi do.

Sanskruti- Main message pe bol dungi.

Dev- Waise jab tumne mujhe apna number diya tha maine usi waqt tinder delete kar diya tha.

Sanskruti- Sachi?

Dev- Muchi.

Sanskruti-(admirely looking at him)I like you.

(Dev looks at her.She looks at him.Both share a look.)

FADE OUT

Leave a Reply